PSAVME X
Dont vient cela, Seigneur, je te supply,
Que loing de nous te tiens les yeux couvers?
Te caches tu pour nous mettre en oubly?
Mesmes au temps qui est dur & divers?
Par leur orgueil sont ardants les pervers
A tourmenter l'humble qui peu se prise:
Fay que sur eux tombe leur entreprise.
O Seigneur donc, s'il te plaist tu orras
Ton povre peuple en ceste aspre saison:
Et bon courage & espoir luy donras,
Prestant l'oreille à son humble oraison:
Qui est, de faire aux plus petits raison,
Droit aux foulez: si que l'homme de terre
Ne vienne plus leur faire peur ne guerre.
Clément MAROT
Mélodie originale:
Psautier de Genève,1554,
Harmonisations:
Alain MABIT, 1994 d'après Claude GOUDIMEL